Gezki

IKERKETA

 

GEZKIren jarduera nagusia gizarte ekonomiaren inguruko ikerketa da, Institutuko kideok eskarmentu eta ibilbide luzea dugularik alor ezberdinetan. Gizarte ekonomiari, aldi berean ekonomia eta zuzenbidearen ertzetatik ekiten diogu.

Analisi ekonomikoari dagokionez, gizarte ekonomiako erakundeen enpresa analisia burutzen dugu, enpresa eredu kapitalistatik aldentzen dituen ezaugarriei erreparatzen diegularik. Funtsean, parte hartzean eta auto-eraketan oinarritutako erakunde demokratikoak izanik, bestelako enpresa antolaketa ereduen aldean agertzen dituzten elementu bereizgarrien analisian zentratzen gara. Parte hartzearen hiru atalak aztertzen ditugu: kapitalean, erabakietan, eta mozkinetan.

Gizarte ekonomiako erakundeen lurralde dinamikari dagokionean, berriz, horiek beren lurraldeko tokiko garapenean nola txertatzen diren dugu aztergai. Honela, berrikuntza sozialaren optikatik, erakunde horiek lurraldean sortzen dituzten gobernantza eredu berritzaileei eta ekintzailetza eredu eraldatzaileei erreparatzen diegu. Bigarrenik, herri erakundeetatik gizarte ekonomiako esperientziak sustatzeko erabiltzen diren politika publikoen analisia ere burutzen dugu. Eta hirugarrenik maila globalago batean, gizarte ekonomiako erakundeek beren nazioarteratze prozesuak nola burutu dituzten eta prozesu horietan sorturiko gatazka eta aukeren gaineko analisi kritikoa ere burutzen dugu.

Analisi juridikoari dagokionez, gizarte ekonomiaren sustapena eta garapenari egoki zaion zuzenbidea dugu aztergai. Ikuspegi juridikotik, mundu mailan mugarria izan den Espainiar estatuko Gizarte Ekonomiaren Legea (5/2011 Legea, martxoak 29koa) oinarri hartuz, zuzenbide kooperatiboaz gain bestelako figuren zuzenbidea ere aztertzen dugu:  lan-sozietateak, gizarte aurreikuspeneko mutualitateak, enpleguko zentru bereziak, gizarteratze enpresak. edota elkarte eta fundazioak.

GEZKIren ikerketa lanak 5 ildo nagusitan laburbiltzen dira, denak ere gizarte ekonomiako erakundeen alor ezberdinen analisian zentratuak:

  • Demokrazia eta langileen parte hartzea enpresan
  • Ekonomia sozial eta solidarioa eta berrikuntza soziala
  • Gizarte ekonomiako erakundeen gobernantza eta zuzenbidea
  • Gizarte ekonomiaren sustapenerako politika publikoak
  • Globalizazioa eta Gizarte Ekonomiako erakundeen nazioarteratzea

GEZKIko kideok ildo horietako bakoitzean egindako ikerlanak liburu, aldizkari zientifiko eta nazioarteko kongresuetan aurkezten dira. Era berean, Gizarte Ekonomia eta Ekonomia Solidarioa EHUko Master Ofizialeko ikasleek buruturiko master amaierako lanek ere hornitzen dute GEZKIren jarduera ikertzailea.

AZKEN PROIEKTUAK

Demokrazia eta langileen parte hartzea enpresan

Parte hartzea emaitzen banaketan

Azken hamarkada honetan jasandako krisi bortitzak bi ondorio zorrotz utzi dizkigu bai Estatuan eta baita Euskal Autonomia Erkidegoan eta Gipuzkoan ere. Langabezia tasa oraindik oso altu bat eta lan balditza okerragoak, askotan prekarioak. Bretxa soziala izugarri ireki da Estatuan eta gure artean ere joera desberdintasunaren azkundearena izan da.

Gezki
Demokrazia eta langileen parte hartzea enpresan

La participación de las mujeres en la empresa. Un instrumento de análisis desde la perspectiva de género

El objetivo principal del proyecto es ofrecer un instrumento de análisis de la participación de las mujeres en la toma de decisiones, en los beneficios y en la propiedad. Una herramienta novedosa ya que incorporará una perspectiva de género a la hora de analizar la participación de dicho colectivo en las empresas afincadas en el Territorio Histórico de Gipuzkoa. 

Gezki

AZKEN ALBISTEAK

2018-09-28Gezki

Dena prest Gizarte Ekonomiaren Munduko Fororako

Urriaren 1 eta 3 artean Bilbon egingo den mundu mailako ekitaldiak 1.400 pertsona inguru izango ditu eta osoko 5 saio, 36 tailer-saio eta Gizarte Ekonomiako esperientzia eta enpresa ezberdinak bertatik bertara ezagutzeko 11 bisita tekniko ezagutzeko aukera izango dute

IRAKURRI

2018-09-28Gezki

Xabier Itzaina GEZKIko lankide akademikoa izendatu du UPV/EHUk

Xabier Itzaina Frantziako Ikerketa Zientifikoko Zentro Nazionaleko (CNRS) ikerlaria da zientzia politikoetan eta Emile Durkheim Zentroaren zuzendaria eta Nazioarteko CIRIEC-eko kidea, besteak beste. Bere ikerlanak hiru ardatz nagusi dauzka: erlijioa eta politika Europa Hegoaldean; gizarte ekonomiaren lurralde dinamikak; Ipar Euskal Herriko lurralde mobilizazioen soziologia historikoa

IRAKURRI

2018-09-28Gezki

Gizarte Ekonomia eta Ekonomia Solidarioa NBEaren Asanblada Orokorrean presente

Frantzia buru duen Gizarte Ekonomia eta Ekonomia Solidarioko Talde Pilotoa New Yorken bildu zen Nazio Batuen Erakundearen 73. Asanblada Orokorra biltzen zela baliatuz. Irailaren 25ean egindakoarekin “Maila Altuko bostgarren Ekitaldia” talde honentzat

IRAKURRI

BASIC INCOME EARTH NETWORK

BASIC INCOME EARTH NETWORK

RIIPAC

RIIPAC
Gezki
Gezki
Gezki
Gezki